Թուրքական իշխանամերձ TGRT հեռուստաալիքի հաղորդավարը եթերում «բացահայտում է» Ադրբեջանի սանձազերծած ագրեսիայի նպատակները.
- Ադրբեջանական բանակի նպատակը, այսպես կոչված, «Զանգեզուրի միջանցքի» բացումն է։
- «Զանգեզուրի միջանցքը» կտրելու է Հայաստանի կապը Իրանի հետ և միավորելու է թյուրքական աշխարհը։
- Ադրբեջանական բանակը գտնվում է Նախիջանից մի քանի ժամվա հեռավորության վրա։
- Անհրաժեշտ է մեկ առ մեկ ռազմավարական բարձունքների նկատմամբ վերահսկողություն հաստատել։
- Ալիևը ճիշտ է գնահատել իրավիճակը, օգտվել է ուկրաինական ճակատում Ռուսաստանի անհաջողություններից և ճիշտ պահին ձեռնամուխ եղել իր նպատակների իրականացմանը։
- Ադրբեջանը մենակ չէ, վայելում է Թուրքիայի աջակցությունը։
Անհրաժեշտ է արձանագրել.
- Ուղղակիորեն նշվում է, որ պատերազմը սանձազերծել է Ադրբեջանը։
- Թուրքիայի համար ևս կենսական նշանակություն ունի չարաբաստիկ միջանցքի բացումը։
- Ադրբեջանական բանակը այս պատերազմով նպատակ է հետապնդում Սյունիքի տարածքը հատելով՝ հասնել Նախիջևան և ուժով պարտադրել միջանցքի բացումը։
- Միջանցքի բացումով Հայաստանը կզրկվի սահմանից հարևան Իրանի հետ, երկիրը ամբողջությամբ կհայտնվի թշնամական շրջափակման մեջ, կդադարի գոյություն ունենալ որպես սուվերեն միավոր։
