Նորություններ

Ոչ մի ձևաչափ չպետք է սահմանափակի Իրան-Հայաստան հարաբերությունները

07 / 07 / 2022

Հուլիսի 7-ին պաշտոնական այցով Հայաստան է ժամանել Իրանի Ազգային անվտանգության գերագույն խորհրդի քարտուղար Ալի Շամխանին: Այցի նպատակն է Հայաստանի բարձրաստիճան պաշտոնյաների հետ փոխադարձ հարաբերությունների և տարածաշրջանային ու միջազգային հարցերի շուրջ առանցքային քննարկումներ վարելը։

Իրանի բարձրաստիճան պաշտոնյան շեշտել է տարածաշրջանում խաղաղություն և կայունություն հաստատելու կարևորությունը ներտարածաշրջանային համագործակցության միջոցով` ընդգծելով, որ Իրանի Իսլամական Հանրապետությունը դեմ է յուրաքանչյուր քայլի, որ կփոխի տարածաշրջանի աշխարհաքաղաքականությունը:

Նա հավելել է, որ Իրանի սկզբունքային կենտրոնացած է տարածաշրջանային և հարևան երկրների հետ հարաբերությունների ընդլայնման վրա՝ նշելով, որ իր այցը Հայաստան տեղի է ունենում հենց այդ քաղաքականության շրջանակներում:

Այդ ենթատեքստում Շամխանին նկատեց, որ այնուամենայնիվ Իրանի և Հայաստանի միջև առևտրաշրջանառությունը չի համապատասխանում երկու երկրների իրական հնարավորություններին՝ կոչ անելով ակտիվացնել այս ներուժը։

Հայաստանի Անվտանգության խորհրդի դե-ֆակտո քարտուղար Արմեն Գրիգորյանի հետ հանդիպման ժամանակ Իրանի անվտանգության բարձրաստիճան պաշտոնյան ասել է, որ Թեհրանը, ինչպես նախկինում, պատրաստ է օգտագործել իր կարողություններն ու ներուժը Հարավային Կովկասի տարածաշրջանում կայուն խաղաղության հաստատմանը նպաստելու համար։

Սակայն միևնույն ժամանակ մատնանշելով Իրանի և հայ ժողովուրդների միջև խորը արմատներ գցած կապերը` անկախ տարածաշրջանային և միջազգային ծանր պայմաններից, Շամխանին ավելացրել է, որ ոչ մի սահմանափակում չպետք է խանգարի երկու երկրներին ընդլայնել հարաբերությունները:

 

 

Related Posts

Leave a Reply

Your email address will not be published.